Asemblea Por un Interior Galego Vivo no Courel
En maio de 2019 un grupo de proxectos locais de Lugo e Ourense lanzaban o manifesto “Por un Interior Galego Vivo” en Belesar, entre os concellos do Saviñao e Chantada para constituírse en decemebro como plataforma cidadá en San Xoán de Río sumando a máis candidaturas, persoas e asociacións.
A modo xenérico o colectivo quere ser unha “revolta das comunidades do interior galego pola vida con dignidade no medio rural e nas vilas e cidades interiores”. Isto traduciuse en varias reivindicacións e propostas trasladadas aos partidos que concorreron ás últimas eleccións autonómicas e que non tiveron a súa repercusión en políticas posteriores. Por isto Por un interior galego vivo quere reforzarse e traballar por estes obxectivos. O seguinte paso vaise dar o 10 de xullo a Asemblea do Courel, será a cuarta convocatoria e nela pretende afianzarse a organización e o programa “para seguir dándolle corpo á plataforma cidadá para que sexa unha voz deste territorio”.
IGV é unha plataforma cidadá que funciona en rede e está aberta a quen desexe participar. Defínese como un colectivo comprometido coa Terra, co territorio e coas súas xentes “á marxe dos partidos políticos tradicionais que unha e outra vez marxinaron o interior galego, partillando ideas e iniciativas locais para construír futuro”.
Teléfono para inscribirse no xantar: 669 164 004
correo electrónico: interiorgalegovivo@gmail.com