Unha boa parte das acuarelas de Javier Varela Guillot están estes días en Chantada. Considerado un dos mellores acuarelistas de Galicia, este artista falecido en 2018 en Vigo, está moi presente estes días na vila do Asma. Faino a través dunha mostra  que se atopa na antesala do auditorio municipal e que foi inaugurada a pasada semana dentro do Verán Cultural do Concello de Chantada, coa presenza de galeristas locais e da esposa do finado creador.

Poderase visitar ata o 11 de setembro (incluído) os mércores, xoves e venres de 18:00 a 21:00 h. no Auditorio Municipal de Chantada.