A exposición Manuel Jorge. Obras pictóricas 1958-2017 achéganos á obra deste artista nunha mostra que ten dous espazos expositivos: o Museo Provincial de Lugo e o Auditorio Municipal de Chantada. Trátase dun percorrido pola obra deste reputado arquitecto e pintor de 89 anos natural da vila do Asma e afincado en Xàbia. Máis de 2000 obras compoñen unha obra íntegra -nunca vendeu obra- e agochada durante máis de corenta anos na intimidade do seu estudio. Un comisariado de Alba Sánchez tráenos o máis novo da obra de Manuel Jorge, obra abstracta que se caracteriza pola súa intensa cor. É a segunda exposición que este artista fai en Galiza tras Pinceladas galegas, trazos mediterráneos.