O 7 de abril a localidade de Castro de Carballedo celebra a feira da carne ao caldeiro, que xa se está a converter nunha das citas gastronómicas con maior significado e contido da provincia de Lugo. A carne ao caldeiro de castro degústase durante todo o ano, pero a veciñanza logrou facer dunha das súas excelencias unha gran festa buscando a atracción turística e reivindicando a economía a pequena escala do rural e dos produtos como a carne de vacún da zona. É convinte reservar as racións.