Seguimos a aproveitar a presenza das castañas nestas xuntanzas outonais que son unha das actividades que máis prestan entre a veciñanza. O Concello de Taboada xunto co equipo de fútbol sala feminino do municipio xa están a preparar o lume para a pancetada e o magosto deste sábado, 17 de novembro. A reunión será no centro cívico da vila a partir das 21.30 h. Haberá sorpresas e un sorteo e non faltará a música do Dúo Camelia.