Quen máis e quen menos estamos obrigados a vivir o Nadal. Para iso hai que ir facendo acopio de manxares e agasallos e a aldea de Mer en Sober xa o ten todo pensado para esta ponte de decembro. A veciñanza organiza un auténtico mercadiño ao estilo alemán que se repite este ano na data do sábado, 8 de decembro.

Nesta cita, con entrada de balde, poderemos atopar artigos de Nadal, artesanía, decoración, doces e produtos feitos a man e na casa. Será na Casa das Flores, no número 54 do lugar de Mer, na parroquia de Proendos. Dende as 12.00 h. e deica as 20.00h. terán a oportunidade de coñecer esta orixinal iniciativa impulsada en gran parte pola colectividade alemá de Sober.

Haberá letreiros indicativos dende a vila de Sober.