Mostra do Outono Fotográfico no Espazo Xove
O Espazo Xove de Chantada continua coa programación do Otono Fotográfico 2018. Unha mostra dos traballos presentados ao concurso fotográfico nesta última edición ocupa xa o lugar da sala expositiva da Casa da Xuventude.
Se queren empaparse de Outono a través das distintas olladas de 15 fotógrafos de toda a Ribeira Sacra e tamén doutras localidades de Ourense e Pontevedra acudan a ver esta mostra. As fotografías, fundamentalmente en color, pero tamén hai algunhas en branco e negro, abarcan diferentes temáticas relacionadas coa estación máis fotografado ano. Animais e arquitectura rural tamén están presentes no percorrido.
A exposición poderá desfrutarse ata o 21 de decembro.