No primeiro semestre deste ano teremos a oportunidade de asistir a cinco representacións de compañías profesionais dirixidas ao público adulto e representaranse entre os meses de xaneiro e abril.

A Rede Galega de Teatros e Auditorios e o Concello de Monforte permitirá que se acheguen a Monforte as seguintes compañías e obras:

Programación para público Adulto: 

• O mozo da última fila de Redrum Teatro, o xoves 28 de xaneiro. 
• O mel non caduca de Ibuprofeno Teatro, o xoves 25 de febreiro.     
• Macbeth. O ruído e a furia de Estudo Momento, o xoves 11 de marzo.   
• Feminíssimas da Compañía De Ste Xeito Prod., o xoves 25 de marzo.   
• A lingua das bolboretas da Compañía Sarabela Teatro, o xoves 22 de abril.   

Todas as representacións da rede de Teatros e Auditorios levaranse a cabo no Edificio Multiusos ás 20:15 h. O prezo da entrada xeral será de cinco euros e de tres euros para estudantes, desempregados e xubilados, e a súa venda realizarase dende ás 19:15 horas.

Protocolo ante o Covid-19

Para o desenvolvemento deste ciclo de teatro o Concello de Monforte contará con medidas de seguridade e protección ante o Covid-19:

• É obrigatorio o uso de máscaras de protección e utilizar a solución hidroalcohólica para o lavado de mans.
• E necesario gardar a distancia social de seguridade. 
• A capacidade do local dependerá da situación sanitaria no momento de cada actuación.
• A venda de entradas farase dende unha hora antes da actuación.
• A entrada ó salón de actos realizarase dende trinta minutos antes do comezo da obra.
• Será obrigatorio o uso de máscaras de protección e a utilización da solución hidroalcohólica para as mans.
• Non se tomará asento ata que o acomodador indique o seu sitio a cada persoa.