Paseando o outono á beira do Miño
Esta fin de semana continúan as andainas de outono pola ribeira impuladas por veciñas e veciños do Saviñao. O próximo sábado 26 de outubro terá lugar a segunda saída polos coloridos camiños da ribeira do Saviñao. Nesta ocasión percorrerase o tramo entre Bexán e o Priorato da Cova, uns 11 km., coa posibilidade de prolongala ata Ribeiras de Miño, segundo o tempo e as forzas. A saída será ás 9:30 dende a Praza Maior de Escairón , a volta ás 14 h. É necesario apuntarse para organizar o transporte, chamando ó 982 452013 ou o 677 726325, tamén no Facebook ou no correo da Asociación Veciñal do Saviñao.