Festival FanCine de Lemos
do 21 ao 25 de xullo celébrase a sétima edición do Festival FanCine de Lemos. Este certame cinematográfico baseado fundamentalmente no terror e no fantástico inclúe, ademáis de proxeccións diarias nos Multicines Hollywood e noutras localizacións, unha serie de accións paralelas, algunhas delas xa iniciadas ao longo do ano. Estes días tamén está aberta xa a mostra pictórica de Noemi Núñez.
O director deste festival, o produtor monfortino Iván Patiño, `presentou xa a programación nos pasados días nun acto cultural no Ateneo Casino e faráo de novo este mércores 21 nas multisalas da localidade do Cabe. Toda a programación desta festa- certame do cinema na Ribeira Sacra está detallada na web: https://www.fancinedelemos.com/
O obxectivo deste evento é presentar un espazo para as/os amantes destes filmes e do cinema de xénero e tamén para dar cabida a cineastas galegos e de toda España, e incluso para o talento máis local.