As artes escénicas son este ano protagonistas no Outono Cultural de Pantón. As fins de semana énchense de teatro en Ferreira cunha intensa programación que se prolongará durante todo o mes de novembro e terá continuidade o 27 de decembro. Para seguir con estas accións que arrancaron o 14 de outubro coa representación de ‘A voda de Esganarello’ de A Ruada,  e despois a compañía Os Trocos e a súa peza ‘Farsa Plautina o sábado 28 de outubro. Despois de Augas do Sil  chegou o grupo de teatro Muxicas de Ourense. Este 25 de novembro foi a quenda de ‘A verdadeira historia de Manuel de Parderna’ a cargo da compañía Lucecús Teatro e para o vindeiro, 2 de decembro, tamén hai cita. Desta volta o Grupo de Teatro de Prodeme presenta a obra ‘Un mal día’. Trátase dunha adaptación da peza dramática de Hugo Daniel Marcos.  Coma sempre, a entrada é aberta e de balde e a función terá lugar no centro salón de actos do Concello de Pantón ás 18.00 h.