A data oficial recomendada para o comezo da Vendima na Ribeira Sacra neste 2019 é o 19 de setembro. Sen embargo moitos viticultores e adegas xa a teñen en marcha. Para as persoas que queiran participar dela polo interese e autenticidade que suscita esta actividade fundamental no territorio e sobre todo para quen vive ou se axuda a vivir do viño existe a posibilidade do cotizado Viñobus especial Vendima. O Consorcio de Turismo da Ribeira Sacra organiza viaxes a adegas para participar con proximidade deste traballo para os días 21, 22, 28 e 29 de setembro e 5 e 6 de outubro. A reserva de prazas pode facerse a través do teléfono 638 823 592 ou a través do correo electrónico turismo@RibeiraSacra.org. A actividade ten un prezo de 15 euros.