Cargando Eventos

Volve o Sacra Festival á beira do Miño

Protagonista: Sacra Festival

Este ano o Sacra Festival, a carón do Miño mudará o seu formato para adaptarse aos aforos e novas medidas de seguridade. Pero celebrarase en varias datas dos meses de xullo e agosto con actuacións musicais, experiencias e formación que xa adiantamos noutra entrada desta #axenda. Se se trataba dun festival case minimalista e sustentable, en 2020 aínda o será máis. Actividades espaciadas no tempo e no espazo pero que manterán a música, a danza o cinema, o viño e enxeral as artes integradas na natureza.

Artistas como Silvia Penide, María Vázquez, Carlota Pérez, varios DJs, actores e bailaríns coma os da Compañía 5S ou integrantes da Escola de Música de Chantada e accións en colaboración co Cinema Palleiriso e Anxo Moure, así como coa iniciativa Quinta Sacra compoñen a programación. Os días 11 de xullo e o 8 e 9 de agosto haberá actuacións, que se prolongarán cos talleres formativos para adultos e para nenas e nenos. Os escenarios divídense entre recunchos como Pincelo, Garabelos ou a adega Via Romana.

Para máis información, compra de entradas e acceso aos cursos : https://sacrafestival.org/

11 Xuño - 9 Agosto

Chantada

CHANTADA - LUGO, Lugo 27500 Spain
+ Google Map