Xornadas de emprendemento
O Servizo de Orientación Laboral dos Concello de Carballedo e Chantada e a aula Cemit deste segundo municipio impulsan unhas xornadas de emprendemento dirixidas persoas en activo ou desempregadas. A idea é mellorar a empregabilidade e favorecer a adquisición de competencias para a transformación dixital no ámbito do emprendemento.
O martes, 15 de outubro, terá lugar a primeira delas e estará centrada no Ecosistema emprendendor co traballo sobre a terminloxía das start ups. coworking, desing Thinking… e as fontes de finanzamento nas distintas fases de posta en marcha dun negocio.
O mércores, 16 de outubro, a xornada centrarase nas ‘Propostas de valor e modelo de negocio’. Falarase de ingresos e custos, metodoloxías e ferramentas como o mapa de empatía, o modelo Canvas etc.
Xa o xoves, 17 de outubro, a sesión final estará pensada para o estudo de ‘Como conseguir os primeiros clientes’. As métricas e as canles de marketing e pitching para a venda.
O curso rematará coa obtención dun certificado e desenvolverase de 17.00 h. a 21.00h. as tres xornadas. As inscricións poden facerse a través do teléfono 982 466 201 ou a tra ves da web https://adalidformacionyempleo.com/redes/