Xornadas Micolóxicas
Para os/as amantes da micoloxía e tamén para os/as que queren iniciarse nela, a cita está o domingo, 4 de novembro, en Parada de Sil. A Fábrica da Luz ten deseñada unha completa programación para a xornada dominical na que os cogomelos serán o centro da actividade.
Todo comezará ás dez da mañá coa presentación da actividade e unha iniciación á microscopia dos cogomelos no lugar da Fábrica e Barxacova. Ás 11.00h. está prevista a saída ao monte para a recolleita de cogomelos e a partir das 13.30h. prepararase o xantar para degustalo acto seguido despois dun paseo que se adiviña ben produtivo. Aprender a recoñecer as distintas tipoloxías de fungos comestibles e non comestibles é o obxectivo. Xa na sobremesa, e deica as 15.30h,. a acción centrarase no recoñecemento das distintas clases a través da microscopia dos cogomelos.
——————————————————————————————————————
Información en reservas: info@fabricadaluz.com ou nos teléfonos 988 984 990/ 679 060 509/ 696 481 987. As prazas son limitadas.
Prezos: A xornada é de balde, e a participación no xantar ten un custe de 15 euros.