Xurxo Souto e o teatro de Bátega no Ateneo
Esta fin de semana haberá teatro, libros e música no Ateneo Casino de Monforte de Lemos.
A compañía Bátega estará o venres ás 20.00h. con O Mundo de Martiña. Pedro Insua e Raquel López Cendán representan esta obra que conta o periplo vital de Martiña a través dun monólogo musicado e entretecido con cancións e diálogos. O espectáculo está subvencionado pola Área de Cultura da Deputación de Lugo. A entrada é de balde, previa reserva.
O sábado ás 12.30h. terá lugar a presentación do libro Pangalaica. Recortes poderosos (Editorial Galaxia) a cargo do seu autor, Xurxo Souto. O libro é uha recompilación de artigos publicados en Nós Diario e que recollen historias e persoas que Xurxo foi coñecendo dende que, hai trinta anos, comezou a percorrer o país co primeiro disco dos Diplomáticos de Monte-Alto, Arroutada Pangalaica.
Ambos eventos son de entrada libre previa reserva no teléfono 648 435 033 (preferiblemente por WhatsApp).