Redacción |3 de maio de 2019

As adegas de Vilachá abrirán as súas portas esta fin de semana do 4 e 5 de maio para celebrar unha reunión en torno ao viño e a cultura que emana destas pedras. A Feira do Viño de Vilachá, na Pobra do Brollón, é un dos eventos máis singulares do sector ao celebrarse nun contorno histórico próximo ao lugar onde nace o viño. Hai quen fala de adegas milenarias e a sua orixe quedará máis clara despois do proxecto multidisciplinar Adegas da Memoria que estudará pedra a pedra o que conta este conxunto etnográfico e arquitectónico único. Nel saboréanse aínda os viños de adegueiros particulares, colleiteiros tradicionais e algunhas adegas profesionais.