Dous días de Castañazo, de rock, de foliada e de rúas vivas no gran festival do outono
Moitos anos despois, arredor dunha década, un grupo de
mozos/as da comarca apostaron pola recuperación daquela cultura co lanzamento
do novo Castañazo. Un festival que foi mudando e medrando e que, sendo unha
proposta masiva, conserva algúns trazos daquela semente. Novos estilos,
propostas internacionais e tamén da escena galega e público das máis variadas
idades mestúranse no cartel dos últimos anos. É o evento musical por excelencia
do outono galego.
A asociación cultural O Castañazo leva dous anos achegando á
vila a vida festivaleira durante dúas xornadas nas que os cantos de taberna, os
xogos bravús e, por suposto, o Castañazo infantil anegan a vila e logran contaxiar
á comunidade local.
Unha oferta cada vez máis profesionalizada, iso si, na onda dos festivais que nestes tempos son destino de milleiros de persoas alá onde se dispoña, neste caso, no interior de Galicia, preto do seu corazón e en plena Ribeira Sacra.