Nace unha Axenda Rural Europea dende a Ribeira Sacra ourensá.
A Declaración de Santo Estevo de Ribas de Sil por unha Axenda Rural Europea asinada o 31 de outubro realízase “baseándose nas achegas e conclusións de todos os participantes e co ánimo de liderar unha evolución do rural en positivo”. Nela, declaran “que unha política rural innovadora, coherente e integradora debe inspirarse” nas medidas propostas neste documento e “que teñen que ser levadas a cabo dende unha axenda rural europea necesaria para afrontar os retos do rural”.
A primeira das medidas contempladas é “impulsar a creación de ecosistemas de innovación rural a través do desenvolvemento e integración de solucións baseadas no coñecemento social, científico e tecnolóxico”.
A segunda é “revitalizar os territorios, apostando por novos
investimentos e modelos que xeren valor engadido para a sociedade en áreas como
o emprendemento, os servizos básicos, a sociedade do coñecemento e o
desenvolvemento das competencias sociais, persoais e profesionais ao longo da
vida”.
A quinta é “apoiar a loita contra o cambio climático con accións que axuden a mitigar e adaptar os territorios aos seus efectos, pondo en valor o potencial de sectores como a enerxía renovable, a bioeconomía e a economía circular” e a sexta “impulsar as cadeas de valor rural e examinar as novas oportunidades de negocio para as empresas de todos os sectores”.
A última das medidas recollidas no documento é “apostar por unha gobernanza local máis moderna e áxil introducindo elementos participativos da cidadanía e mellorando as capacidades das administracións públicas para simplificas os trámites burocráticos”. Por último, a declaración tamén fai fincapé en que “consideramos necesaria a creación dunha axenda rural europea que actúe como marco de acción para o deseño das políticas do medio rural”.
Estas sete medidas serán as que guíen a estratexia do International Observatory of Rural Research, que “ten como visión liderar unha evolución do rural en positivo” e actuar como axente “multiactor de innovación que impulse procesos participativos de transformación rural baseándonos no coñecemento científico”. A transición ecolóxica e xusta; a atención integral ao envellecemento; o cambio demográfico e o despoboamento; o desenvolvemento intelixente dos territorios; a calidade e seguridade alimentarias e comunidades igualitarias e inclusivas son grandes metas. Do mesmo xeito, os especialistas definiron tres grandes áreas de innovación para o observatorio. A primeira é a economía rural, con temas como a bioeconomía, a economía circular, o turismo, novos modelos de negocio, a agricultura e gandería de precisión e a innovación tecnolóxica. O segundo polo de innovación é o social, con perspectiva de xénero, a inmigración ou a calidade de vida, os servizos básicos, o emprendemento, o desenvolvemento de competencias persoais e profesionais e a formación en cuestións de responsabilidade social, individual e colectiva. O terceiro gran polo identificado é o medio ambiente e o cambio climático, achegándose a cuestións como o desenvolvemento sostible, a mitigación do cambio climático, a biodiversidade e a ecoloxía, a transición enerxética e enerxías renovables e a preservación de recursos naturais.