Lorena Gallardo/ Humberto Novoa | 24 de maio de 2019

Os Conventos de Vilachá, na Pobra do Brollón, gardaban un segredo baixo as viñas. Por algo lle chamaban así a este misterioso lugar no Val do Frade. Foi sempre un lugar simbólico e enérxico, e así parece demostralo o achado dun enterramento humano presumiblemente prehistórico que fan adiviñar os restos óseos que apareceron no recuncho máis discreto, no último día e no último momento da escavación arqueolóxica de Adegas da Memoria. Dirixida por Xurxo Ayán, durante un par de semanas de 'arqueoloxía heroica' nuns poucos metros cadrados, o equipo deu con vestixios claros do asentamento do posible mosteiro medieval perdido; pero seguramente todo empezara moito antes mirando ao Sil.