Accións contra a violencia machista
O Centro de Información ás Mulleres en Chantada ten previstas varias actividades de sensibilización arredor do día 25 de Novembro. Levaronse a cabo obradoiros ca mocidade de 3º da ESO dos IES Val do Asma e Lama das Quendas, coa rapazada de 6º de primaria dos CEIP Eloisa Rivadulla e Xoan de Requeixo dentro dun programa da Secretaría Xeral de Igualdade da Xunta de Galicia. Cos grupos de traballo elaboraronse unha serie de pezas audiovisuais que se proxectarán, ó longo do mes de decembro, no auditorio de Chantada.
Por outro lado este venres e sábado terá lugar o curso de auto defensa para mulleres, tamén impulsado dende este organismo e que terá lugar nas instalacións da piscina municipal de Chantada.
Por outra banda, o propio luns, 25 de novembro, farase unha concentración en repulsa ás violencias machistas, na praza do Cantón ás 13: 30 h. Trátase dun acto simbólico o que está convidada toda a cidadanía.
O 23 de decembro abrirase a Exposición “15 VISIÓNS-EXPRESSARTE”.no auditorio de Chantada e prolongarase deica o 7 de xaneiro.
No mes de decembro proxectarase no auditorio “Volar”. Un filme con testimonios reais de mulleres que sufriron a violencia machista e a súa traxectoria vital.