Este venres 5 de novembro, o Ateneo Casino de Monforte será unha sala de cinema galego. A sociedade organiza a proxección de Ons, un dos filmes galegos actuais de máis sona, gañador de nove galardóns Mestre Mateo en 2020.
Tras a proxección, haberá un coloquio co director Alfonso Zarauza e a actriz Melania Cruz, moderado polo monfortino Iván Patiño.
O evento comezará ás 20:15. O acceso é gratuíto, previa reserva no teléfono 648 435 033, preferiblemente por WhatsApp.
Ons é un drama con notas de misterio, gravado nas paisaxes da illa de Ons.