Cine, curtametraxes, traballos audiovisuais de diversa índole, música, obradoiros…. A 26 Semana Internacional de Cine de Chantada trae moito e variado para os amantes do sétimo arte. Do 11 ao 15 de agosto a Praza do Cantón volverá a converterse nunha sala de cine. Tamén o Cinema Palleiriso e o Muíño da Alameda acollerán actividades. As proxeccións comezarán ás dez da noite. O luns ás oito da tarde Inzo poñerá a música con ‘Cántame un cine’ no Cinema Palleiriso de Garabelos.