Participa

A ponte do tren dos Peares. Unha ponte industrial modernista de ferro pola que agora pasan moi poucos trens con parada. Faino o Tren turístico da Ribeira Sacra. Disque se un burro ornea nesa ponte hase escoitar dende Carballedo, Pantón, A Peroxa e Nogueira de Ramuín; dende dúas provincias: Lugo e mais Ourense; dende tres ríos: o Búbal, o Sil e o Miño. Non é de Eiffel, mais esa ponte de azul intenso ten moito aquel como canle estratéxica de comunicación, como conector entre nodos. E fan falla canles, tanto fisicas coma online que vencellen contornas locais a través de proxectos comunicativos

Se un burro ornea nesta ponte hase escoitar dende Carballedo, Pantón, A Peroxa e Nogueira de Ramuín; dende dúas provincias: Lugo e mais Ourense; dende tres ríos: o Búbal, o Sil e o Miño. Non é de Eiffel, mais esta ponte de azul intenso ten moito aquel como canle estratéxica de comunicación, como conector entre nodos. E fan falla canles, tanto fisicas coma online que vencellen contornas locais a través de proxectos comunicativos

Canle Ribeira Sacra nace coa vocación de ser unha plataforma onde conectar os diferentes lugares, recursos e axentes a través dun proxecto de comunicación desde por e para esta zona da Galiza. Busca visibilizar as súas historias, os concellos que a conforman e os seus recursos estratéxicos.

Os contidos da Canle Ribeira Sacra van alén da actualidade, promovendo formatos coma a reportaxe ou o documental, máis adecuados para afondar nas historias da Ribeira Sacra cara dentro e tamén cara fóra nun momento estratéxico no que repensar modelos turisticos sostibles co medio. Dá conta e pon en valor as memorias, o patrimonio, os recursos e a multiplicidade de axentes que operan nesta zona.

Se ben a experiencia do territorio se desborda do marco da computadora, da tablet ou do móbil, sirva esta canle multilingüe para que cando alguén fale en calquera punto dos vinte e un concellos da Ribeira Sacra se escoite a un tempo en cada un deles. E tamén no resto do mundo.

Airoá Comunicación é unha asociación eduactivo-cultural rural ubicada en Chantada. Ten tres liñas de acción: a investigación-acción en medios de comunicación locais, a educomunicación e fomento da accesibilidade tecnolóxica ante a tripla fenda dixital: a rural, a de xénero e a de idade, e a produción documental, especializándose na transmisión do patrimonio e historias locais a través do cinema. Organiza Pingueira. Encontro transdisciplinar de coaprendizaxe en contexto, O Campus Tictactic entre outros proxectos. Airoá Comunciación recolle o testemuño de Televinte tras vinte anos de emisión, adaptando o proxecto ás particularidades da rede e ampliando contidos e cobertura

A Canle dispón dun plan de financiamento mixto baseado en axudas públicas: subvencións e apoio dos concellos da Ribeira Sacra a través dun sistema de cotas, así como o mecenado de empresas e organizacións. A primeira fase do proxecto, desenvolvemento da plataforma web, financiouse cunha axuda LEADER a través do Programa de Desenvolvemento Rural 2014-2020. Para segunda fase, posta en marcha do proxecto comunicativo, contouse cunha axuda á contratación a través do Programa Ben Empregado da Deputación de Lugo.

A través do blogue da Canle abrimos o noso proceso como medio de comunicación. A través del poderedes saber máis sobre as nosas accións, o noso equipo humano, os encontros nos que participamos, entre Outros. Tamén estará preente nas redes sociais da Canle: facebook, twiter e instagram, a través do hashtag #DíaAdíaCanleRibeiraSacra