Do 21 ao 25 de xullo este certame, que chega á súa sétima edición en Monforte de Lemos contará, entre outras, con esta curtametraxe que “viaxa entre o técnico e o artístico” e que relata o momento de dúas persoas que viven a desaparición dun ser querido. O director xoga coas distintas maneiras de afrontar estes primeiros momentos que pode ter cadaquén.

Rufo García ten un longo currículo profesional vencellado ao mundo do son e participou xa en tres filmes de ficción, sete documentais, dúas series e  outras seis curtas, ademáis da realización en eventos sociais, políticos e deportivos. ‘Os días afogados’ ou ‘Tempo’ son títulos nos que ten participado, todos eles vencellados a produtoras e cineastas do territorio. Agora, co lanzamento na localidade do Cabe da súa súa opera prima cumpre un pequeno soño que naceu tamén aquí e ten manufactura local na súa totalidade.

Aquí a ligazón ao tráiler de ‘Urdimbre’ e outras de interese:

Trailer: https://vimeo.com/569856595

Facebook: https://www.facebook.com/urdimbre.corto

https://www.fancinedelemos.com/