Redacción | 21 de agosto de 2019

Dende o ano 2012 vense celebrando na igrexa de Santa María de Pesqueiras, en Chantada, un acto cultural co fin de reivindicar, a través da arte e das expresións culturais, o coidado e protección para o patrimonio e o acceso da poboación aos monumentos. A asociación Amigos do Románico dea comarca de Chantada é a impulsora deste encontro,que desta volta tamén tirou do humor de Celso F. SanMartín e da música do Tricole para encher de contido o acto de Pesqueiras. Tamén tivo lugar un obradoiro de pintura ao tempo que se achegou á veciñanza a este singular templo románico cuxas destacadas pinturas murais son unha das mellores xoias da Ribeira Sacra, unido ao feito de atoparse nun enclave natural de excepción.