O 31 de outubro dende as 17.00 horas Taboada festexará o Samaín cunha noite de meigas. As persoas que vaian ataviadas acorde con esta celebración ou decoren as típicas cabazas terroríficas poderán gozar de agasallos e unha merenda. A actividade está especialmente pensada para nenas e nenos de 3 a 12 anos e celebrarase na Alameda da vila.

O Concello de Taboada terá tamén un obradoiro de traballos manuais con cabazas, as persoas que desexen participar nel terán que inscribirse previamente no Concello. Todo rematará cun baile de disfraces e moitas sorpresas.