Cargando Eventos

Volve a Feira do Viño de Amandi no seu tempo

Protagonista: Concello de Sober

Serán 23 adegas as que participarán na XLII Feira do Viño de Amandi, que se vai celebrar en Sober os días 9 e 10 de abril, volvendo así á súa data habitual de sábado e domingo de Ramos.

A edición da feira deste ano será inaugurada por Adega Tear comohomenaxe a Manuela Valdés, falecida recentemente, e ao seu marido Nilo Vila, falecido hai xa algúns anos. Esta edición da feira será dedicada o Concello de Bóveda continuando así cunha homenaxe especial que se fai cada ano a un Concello da comarca. E o pregón correrá a cargo do mozo nacido en Sober, Chechu Salgado, quen vén de acadar o Goya a mellor actor revelación por ‘Las leyes de la frontera’.

Mes do Amandi
Seguindo coas actividades do Mes do Amandi, o Concello de Sober dará a coñecer este sábado, 12 de marzo, ás 12:00 horas,o cartel anunciador da Feira, obra da moza ourensá Rocío Rodicio. Farao nun acto que tamén vai servir
para dar a coñecer un novo recurso turístico e paisaxístico co que conta o Concello de Sober: a fervenza de Portizó, recentemente acondicionada coa axuda da Dirección Xeral de Patrimonio Natural.

Ese mesmo día anuncianranse máis actividades do Mes do Amandi, que deron comezo xa co fallo do
concurso de carteis, o concerto de Egeria e a presentación do equipo de rally Barantes Sport.

9 Marzo - 10 Abril

Sober

praza do Concello
Sober, Lugo Spain
+ Google Map