A caída da folla, actividades de outono na Ribeira Sacra
PROGRAMA A CAIDA DA FOLLA NA RIBEIRA SACRA 2021
Outubro
Domingo 10 : Obradoiro Plantas Silvestres para el invierno (Ribas de Sil). Aprenderemos a crear a nosa caixa de primeiros auxilios básica con plantas silvestres para os meses máis fríos do ano. Prezo: 15 € / Horario: de 10:00 a 18:30 horas
Lunes 11 Navegando polo Miño, facemos o Camiño (Chantada). Primeiro camiñar e despois, desfrutar. Queres coñecer cales son as actividades que podemos realizar ao redor do Camiño de Inverno? Prezo: 6 € / Horario: de 16:00 a 20:00 horas
Martes 12 Apicultor/a por un día (Nogueira de Ramuín). Chegou o momento de colocarnos o traxe de apicultor e adquirir as nocións básicas para aclimatarnos e introducirnos, aos poucos, no incrible mundo da apicultura. Prezo: 6 € / Horario: de 10:30 a 13:00 horas
Sábado 16 Rural Sketch colores de otoño (Sober). Prepara a paleta de cores outonais que saímos a pintar! Acompañados do pintor Eduardo Baamonde buscaremos as mellores paisaxes para inspirarte. Prezo: 15 € / Horario: de 10:00 a 19:00 horas
Domingo 17 Arqueología en el Camino de Invierno (Monforte de Lemos, A Pobra do Brollón e O Saviñao). Quenda para descubrir parte dos vestixios arqueolóxicos do Camiño de Inverno ao seu paso por Ribeira Sacra. Prezo: 15 € / Horario: de 9:30 a 18:30 horas
Sábado 23 Curso de micología (Pantón). Macrolepiotas, lactarius, boletus,… imos ao monte en busca de cogomelos, para coñecelos, distinguilos e colleitar os máis saborosos. E, ademais de recollida, haberá degustación. Bo proveito!
Prezo: 30 € / Horario: de 10:00 a 19:00 horas
Domingo 24 Andaina Penas do Castelo (A Pobra do Brollón). Un percorrido circular pola parroquia de Salcedo, famosa polo seu Entroido, donde nos acercaremos ao seu patrimonio máis oculto. Prezo: 15 € / Horario: de 10:00 a 16:00 horas
Mércores 27 – Venres 29
Curso Mindfulness (Parada de Sil). Experiencia formativa con Edgar Tarrés, de tres días de duración, sobre baños de bosque, mindfulness, creatividade, felicidade… para que as aprendizaxes poidan utilizarse a nivel persoal, empresarial, profesional ou turístico. Prezo: 30 € / Horario: de 10:00 a 14:00 e de 16:00 a 20:00 horas
Sábado 30 Para chuparse os dedos (Castro Caldelas e A Teixeira). Unha xornada na que a gastronomía será a protagonista. Descubriremos cales son os produtos gastronómicos máis característicos de Ribeira Sacra, ao mesmo tempo que coñeceremos as historias dos protagonistas que os elaboran e, por suposto, degustarémolos! Prezo: 15 € / Horario: de 10:30 a 18:00 horas
Conectando coa natureza(Montederramo). Combinaremos unha ruta de sendeirismo por un dos bosques de bidueiros mellor conservados de Galicia cunha sesión de Ecoyoga para finalizar a xornada. Uniremos un plan do máis relaxante cun percorrido por unha paisaxe de conto. Véste? Prezo: 15 € / Horario: de 10:00 a 18:00 horas
Domingo 31 Winefulness (Pantón). Preparado/a para potenciar todos os teus sentidos? Comezaremos a xornada cunha sesión de mindfulness e neurobioloxía na natureza para desenvolver ao máximo a nosa sensibilidade e sentidos antes da degustación de viños D.O. Ribeira Sacra. Prezo: 6 € / Horario: de 11:00 a 13:00 horas
NOVEMBRO
Luns 1 Baño de Bosque (Carballedo). Edgar Tarrés axudaranos a conectar cos elementos que nos regala o bosque e que teñen unha influencia moi positiva á hora de reducir a nosa tensión, ansiedade, etc. Prezo: 6 € / Horario: de 10:00 a 13:00 horas . Aula Forestal Os Trollos (Bóveda). Isto si que é mergullarse no outono! Coñece todo o proceso da xestión forestal, desde o viveiro ata os distintos aproveitamentos das árbores. Prezo: 6 € / Horario: de 10:00 a 13:00 horas
Sábado 6 Fotografía no Camiño Francés (Portomarín e Paradela). O fotógrafo Emilio Romanos acompañaranos nun tramo do Camiño Francés, á vez que resolverá todas as nosas dúbidas e iranos ensinando trucos para mellorar en fotografía. Prezo: 6 € / Horario: de 9:00 a 15:00 horas
Curso de técnica en BTT (Xunqueira de Espadanedo). Toni Ferreiro (corredor profesional de Merida Bikes, 3 veces campión de España de descenso elite e 4 veces campión de España de Enduro elite) impartirá un curso no circuíto de descenso de Xunqueira de Espadanedo no que ensinará aos alumnos para depurar a técnica para superar saltos, curvas e trialeras de forma segura. Prezo: 15 € / Horario: de 9:00 a 15:00 horas
Domingo 7 Aceitunero/a por un día (Quiroga). Sabías que en Ribeira Sacra hai unha importante produción de aceite de oliva? Coñécea cun paseo polos oliveirais e participando na recollida da oliva mediante o vareo. Despois, visita á almazara e cata de aceites con pan da zona e, tras un breve xantar, visita a un taller de artesanía con madeira de oliveira. E, por suposto, tamén coñeceremos o tradicional muíño de Bendilló. Prezo: 15 € / Horario: de 10:30 a 16:30 horas
Sábado 13 Fotografía ao solpor (Castro Caldelas). Os solpores son momentos máxicos, pero difíciles de fotografar. Por iso, Guillermo Sotelo ensinaranos todos os trucos para conseguir plasmar nas nosas fotografías esa riqueza de tons e luces que ven os nosos ollos. Prezo: 6 € / Horario: de 16:00 a 21:00 horas
Domingo 14 Supervivencia no bosque (A Peroxa). Durante esta ruta aprenderemos algunhas nocións sobre como actuar no monte en caso de emerxencia. Ensinarannos, ademais, a recoñecer pegadas e rastros de animais, a facer lume (con ferroceiro) ou a construír un refuxio de fortuna, entre outras técnicas. Prezo: 15 € / Horario: de 10:00 a 17:00 horas
Venres 19-Domingo 21 Curso de orientación (Ribas de Sil). Curso de orientación en montaña con David Caballero, de 3 días de duración, comezando desde o máis básico ao máis avanzado. Para aqueles que pensan que é imposible aprender orientación. Prezo: 30 € / Horario: viernes de 17:00 a 20:00 horas; sábado de 8:30 a 19:00 horas; domingo de 08:30 a 15:00 horas
Sábado 20 Camiño de Inverno en BTT (Monforte de Lemos, O Saviñao e Chantada). Sobe, que nos imos! Por camiños empedrados, entre viñas e bancais e con parada nos principais elementos etnográficos do Camiño de Inverno. E todo iso, en bicicleta, unha forma totalmente diferente de percorrer o Camiño. Prezo: 15 € / Horario: de 10:00 a 17:00 horas
Domingo 21 Ruta literaria “Todo isto che darei” (Chantada). Descobre o pasado de Álvaro, percorrendo os camiños sinuosos que debuxan os bancais entre viñedos, visitando a súa adega “La Heroica” e bebendo os seus viños. “Todo esto te daré”, o Premio Planeta 2012 de Dolores Redondo, será o noso fío nesta xornada. Prezo: 6 € / Horario: de 9:30 a 14:00 horas
Sábado 27 Con pan y vino, se hace el Camino (Chantada). Que mellor xeito de desfrutar da gastronomía ao redor do Camiño de Inverno que empapándose dela? Coñeceremos o proceso de elaboración do pan tradicional e do viño D.O. Ribeira Sacra nesta experiencia para chuparse os dedos. Prezo: 15 € / Horario: de 9:30 a 18:00 horas
DECEMBRO
Sábado 4 Romasanta, escenario de película (Esgos). Visita interpretada a distintos lugares da vida de Manuel Romasanta, popularmente coñecido como “O Home Lobo”. Prezo: / Horario: / Incluye:
Domingo 5 Benestar para estar ben (Taboada). Espérate un paseo terapéutico de conexión coa natureza e cunha mesma. Tranquilamente, e cos sete sentidos, iremos percibindo os arrullos do bosque, gozando cos aromas e sabores da terra, empapándonos cos sons da creación, contemplando paisaxes de plenitude e sentindo o abrazo da brisa na pel. Prezo: 15 € / Horario: de 10:00 a 20:00 horas
Martes 7 De fervenza a fervenza (Quiroga). Pedriña, Vieiros, Pombal,… Sóanvos estes nomes? Son algúns deses recunchos “secretos” de Ribeira Sacra que lle outorgan maior encanto do que xa coñecemos. Nesta xornada acompañarante quen mellor os coñecen… Precio: 15 € / Horario: de 09:00 a 18:00 horas.
———————————-
O número de prazas dispoñibles por actividade é de 10. A realización das mesmas están garantidas a partir dun mínimo de 6 prazas. Todas as actividades inclúen guías ou monitores especializados. O programa está suxeito a modificacións ou cancelacións, especialmente se a actividade se ve afectada polas condicións meteorolóxicas. Recoméndase consultar información actualizada na Web ou chamar ao teléfono de contacto.
Prezos, reservas de prazas e outra información de interese en turismo.ribeirasacra.org
Actividades de carácter promocional con prezos patrocinados no convenio 2021 coa Axencia Turismo de Galicia
MÁIS INFORMACIÓN E RESERVAS: turismo.ribeirasacra.org /turismo@ribeirasacra.org /638 823 592