O escritor e politólogo Carlos Taibo estará este martes, 3 de setembro, en Sober para falar sobre o ‘Decrecemento’ social e económico. Será ás 20.00h. na Casa da Cultura de Sober nunha charla-coloquio impulsada dende o colectivo O Colado do Vento. É un defensor do movemento antiglobalización e postúlase a favor do decrecemento como saída ao colapso e o capitalismo terminal. Ten publicadas diversas obras ensaísticas con este enfoque.