O Concello de Sober retoma a actividade cultural cancelada durante o estado de alarma cun concerto de Xoán Eiriz que terá entrada de balde. A actuación será o sábado 18 de xullo ás 20:30 h. no auditorio da Casa da Cultura de Sober. O compositor cantará as dez cancións que compoñen o seu disco ‘Poemas de amor en outono’ e fará un pequeno percorrido polas cancións máis significativas. O Concello de Sober garantirá que se respecten todas as normas relativas á covid-19, así como as distancias de seguridade.