Concurso de microrrelatos
Protagonista:
Concello de Parada de Sil
O Concello de Parada de Sil ven de convocar a novena edición do Concurso de Microrrelatos “Ribeira Sacra-Parada de Sil” 2021. O prazo para a presentación de traballos está vixente deica o próximo 30 de marzo de 2021. O fallo do xurado darase a coñecer o 7 de maio, en tanto que a entrega de premios terá lugar o 15 do mesmo mes no salón de actos do Concello. Será aproveitando a celebración do Día das Letras Galegas de cada ano.
O certame concederá tres premios, o primeiro dotado con 1.000 euros; o segundo, con 500 euros e o terceiro con 300 euros.
As bases do concurso poden consultarse en www.paradadesil.es