Día na Biblioteca no Saviñao
A celebración do Día das Bibliotecas terá no Saviñao varios eventos repartidos en distintas datas.
8 de outubro, ás 18 h.
Contacontos cos autores Dani Viéitez e Iria Iglesias: Álex quere ser coma papá: contacontos contra os estereotipos e a desigualdade. Ás veces a Álex dinlle que non son axeitadas as cousas que fai. A través de Alex debatemos c@s cativ@s, exemplificando distintas situacións que loitan contra os estereotipos.
15 de outubro, ás 18 h.
Obradoiro con Hermanager Producións: Deixa o móbil e debuxa: obradoiro de iniciación sobre ilustración e banda deseñada. Faremos debuxos, algunhas viñetas e/ou tiras cómicas en común e para remataremos facendo cadaquén a súa.
22 de outubro, ás 18 h.
Obradoiro coa escritora Andrea Barreira: Terroríficas, historias de terror: obradoiro de achega á literatura de terror a diversos públicos a través da lectura e da escritura. O obradoiro consta de dúas partes que combinan teoría e práctica: un repaso de distintas escritoras, do pasado ao presente, que traballaron o xénero do terror e a escritura dun relato de terror poñendo en práctica o visto no punto anterior.