Falcatrueiros representa ‘As Monxas e a María’
O ciclo de teatro afeccionado ‘Buxiganga’ ten a súa parada este domingo, 28 de outubro, na Barrela. A peza ‘As Monxas e a María’, representada pola Escola de Teatro Falcatrueiros, encherá de humor e reflexións o auditorio da Casa do Concello de Carballedo. Unha vez máis será unha función con entrada de balde e dirixida a todos os públicos.
A historia sobre as táboas consiste nas peripecias dun grupo de monxas que elaboran o elixir de Santa María, que contén unha misteriosa herba que fará chegar ao convento a moitos personaxes.
A función dará comezo ás 18.30 h.