Na meirande parte dos concellos da Ribeira Sacra os paseos xa son posibles dende hai días. A carón da nosa vida cotiá descubrimos estes días novas visións e detalles da paisaxe. No concello da Pobra do Brollón teñen en marcha unha actividade para compartir a través de fotos as instantáneas máis fermosas ou curiosas que aparecen ante os nosos ollos explorando os mesmos ou novos camiños.

Paseos pola Pobra consiste en facer chegar esas imaxes para que poidan ser compartidas nas redes sociais con o sen o nome do autor e autora. Arquitectura, fauna, flora, natureza compoñen as primeiras fotos xa compartidas con toda a veciñanza.

Foto cabalos: Veneira e de Covadelas/ Maite Regueiro.