Mascarada Ibérica 2019 en Viana do Bolo e Conso
Estamos chegando ao tempo do entroido. O frío e a escuridade do inverno pronto darán paso ás cores e á vida que traen as personaxes dos entroidos ancestrais atraendo o cambio de estación. Nesta ocasión non vos presentamos un evento dentro da Ribeira Sacra, senón un en Viana do Bolo e Vilariño de Conso. Isto é por que estarán estarán representados os nosos entroidos: o Entroido Ribeirao e o Oso de Salcedo xunto con outros corenta entroidos rurais. Estas terras encheranse coa cor, a música e os sons dos entroidos de moitas partes da Península que levan séculos festexando a fin do inverno e a chegada da primavera.