A chegada do verán e da calor pide momentos para refrescarse e en Sober están preparados. O venres 28 de xuño as piscinas municipais vivirán unha xornada de portas abertas para inaugurar a tempada. Permanecerán abertas todo o verán e nelas ademais de divertirse e refrescarse tamén se poderá aprender a nadar, disfrutar da bibliopiscina, de deportes coma o aquagym ou dos obradoiros que teñen preparados para este espazo de lecer.