O programa creativo River Side impulsado por Hijos de Rivera e a Galería Vilaseco na Ribeira Sacra estará este ano dedicado á cerámica tradicional galega. Celebrarase na súa cuarta edición os días 11 e 12 de maio a través dun obradoiro destinado a profesionais e persoas interesadas no deseño, con 12 alumnos e alumnas becadas pola empresa cervexeira. O vasco Martín Azúa, recoñecido creador de deseño no ámbito estatal, impartirá xunto con Elías González, coñecido representante da olería de Gundivós de Sober, esta actividade artística e formativa de convivencia na zona.