A ciencia máis festivaleira na Pobra do Brollón
Conferencias no casco vello da capital municipal con
Castro Rivadulla, Luisa Martínez, Xurxo Mariño, Xurxo Ayán e José Arcas deron
inicio ao encontro. Percorridos arqueolóxicos na procura do templo perdido en
Cereixa con poesía arredor das árbores co escritor Claudio Rodríguez Fer e
coñecemento de especies con Nieves Vidal foron parte das accións na parroquia
de Cereixa. O Castro de San Lourenzo acolleu de novo a ciencia con motivo deste
festiva, foi cun percorrido e visita guiada ás escavacións arqueolóxicas
seguidos dunha foliada científica. O espectáculo Elemental do divulgador Manuel
Vicente, o actor César Galdi e o pianista Juanjo Fernández precederon unha
ollada cara ao ceo dos Lemavos para analizar posteriormente os astros co
astrofísico Dosi Veiga.
Xa no domingo, a acolledora área recreativa de
Samugueiros, na Pobra, abriu a mañá científica arredor da arqueoloxía no Camiño
de Inverno. O vermú científico deulle continuidade con xogos para adestrar o
olfato, seguirlle a pista ao CSIC, coñecer a Radio Científica cunha
escoita-cata e achegarse de xeito directo á acidez, aos alimentos e á
gastronomía molecular con ExpHerimentando. Unha cata de mexillóns ao vapor para
achegarse, dende o interior, e doutra maneira, á fauna mariña completou o
programa da mañá.
O peche de festa foi na parroquia de Viclachá de
Salvadur cunha visita ao miradoiro da Capela e unha charla sobre a parte de
mito e a ciencia e comunidade arredor da Ribeira Sacra a cargo de Xurxo Ayán.
En tal lugar, o festival clausurouse con viño, safisfacción, aprendizaxe e uns petiscos
nas antiquísimas adeguiñas.