Redacción | 15 de maio de 2019

Todo empezaba hai un pouco máis de dez anos coa ilusión duns poucos afeccionados ao running e hoxe é unha das carreiras populares de referencia na comunidade galega e un evento co que a veciñanza se identifica e implica. O Club Atletismo Chantada logrou celebrar o décimo aniversario cos 10 kilómetros no corazón e moitos máis na traxectoria de traballo e colaboración que quedaron patentes na organización da pasada edición da carreira popular, o 11 de maio. Animación musical e concertos, solidariedade a través do reto do ultrafondista Fernando Ibarra e moita presenza infantil marcaron unha proba na que os gañadores absolutos foron José Miguel Acevedo e Luisa González.