Redacción | 26 de outubro de 2021

A Xunta informou dos avances no reinicio da candidatura da Ribeira Sacra para ser declarada Patrimonio Mundial pola Unesco. A Consellería de Cultura reuniuse esta semana con representantes do Ministerio de Cultura e do Icomos e anuncioiu que se vai ampliar o equipo técnico que traballa na candidatura "co fin de incorporar novos perfís". Ao mesmo tempo, "vaise intensificar o contacto coas administracións implicadas así como cos propios veciños".  O propósito, din dende Cultura é "inaugurar e ampliar un novo proceso de diálogo que permita intensificar a nosa estratexia e dar un novo impulso á candidatura da Ribeira Sacra”.

Unha reunión de representantes da Xunta e o Ministerio de Cultura con representantes do Icomos, órgano asesor da Unesco, marca unha nova fase na candidatura da Ribeira Sacra a Patrimonio Mundial.

Participaron o conselleiro de Cultura, Educación e Universidade, Román Rodríguez; o embaixador de España ante a Unesco, Juan Andrés Perelló; a directora general de Bellas Artes do Ministerio de Cultura, María Dolores Jiménez-Blanco, e a directora general do Icomos, Marie-Laure Lavenir, entre outros.

O responsable de Cultura da Xunta, que estivo acompañado polo equipo técnico da candidatura, explicou que “esta xuntanza marca un punto de inflexión no proceso da candidatura para conseguir o máximo recoñecemento da Unesco, revisar o expediente en colaboración cos membros do órgano asesor e seguir avanzando co máximo rigor e calidade”.

O obxectivo é intensificar o traballo e avanzar, da man do Icomos, para dar un novo impulso á candidatura que fora retirada por mor dun informe non favorable mediante un novo proceso de diálogo que acredite coas máximas garantías os valores excepcionais do territorio. Para iso, contarase co “compromiso de todos”, sinalaron novamente.

Román Rodríguez adiantou que o Goberno galego vai ampliar o equipo técnico que traballa na candidatura co fin de incorporar novos perfís. Ao mesmo tempo, vaise intensificar o contacto coas administracións implicadas así como cos propios vecinos e veciñas. “O noso propósito é inaugurar e ampliar un novo proceso de diálogo que permita intensificar a nosa estratexia e dar un novo impulso á candidatura da Ribeira Sacra”, dixo.

Os representantes da Consellería quixeron puntualizar que dende que fora aprazada “de xeito estratéxico” esta candidatura como paisaxe cultural “continuouse sumando esforzos e traballando para perfeccionar o expediente. “Agora queremos avanzar e por iso solicitamos a axuda e colaboración do Icomos para estar na fase final no prazo de tempo máis breve posible”.