Concellos
Data inicial
Data final
Redacción | 29 de outubro de 2020
Nada menos que 32 voltas e 32 horas seguidas correndo para
completar finalmente 208 quilómetros son a marca do gañador da segunda edición
da Spain Backyard Ultra celebrada na Ribeira Sacra: o vigués Dani Corvo.
Castro Caldelas acolleu a pasada fin de semana esta proba
única para corredoras e corredores de ultrafondo. O percorrido circular marcado, de 6,7
quilómetros, tiña que completarse unha vez cada hora e quen non lograra o
obxectivo ía sendo eliminado/a. O récord está en 68 loops (voltas) e 456 quilómetros. Sol,
chuvia, néboa, frío e esgotamento tamén tomaron parte no acontecemento para
dotalo de máis valor e dificultade. Gonzalo Novoa e Francisco Iglesias foron
segundo e terceiro respectivamente con 31 e 30 xiros en cada caso. A aventura
foi para un total de 100 deportistas e aconteceu do sábado 26 de setembro ao
domingo 27.
Pero a ultra da Ribeira Sacra ourensá non remata aquí e o
reto continuará o vindeiro 17 de outubro, coa gran final mundial sincronizada
en 19 países. España estará representada por 15 corredres que a partir das
14,00h. comezarán esta nova carreira final novamente dende Castro Caldelas, coa
opción de lanzar a un novo campión mundial de ultrafondo dende a Ribeira Sacra.
Fotografía: Miguel Rúa
Concello