Redacción| 9 de outubro de 2020

Este mércores, 7 de outubro, entraron nas adegas as últimas uvas recollidas na D.O. Ribeira Sacra nesta campaña. Así remata, de xeito oficial, a vendima con  5.244.049 quilos de uvas recollidos. Despois de que o 2019 fora o ano da vendima máis abondosa na D.O. Ribeira Sacra, a campaña 2020 péchase segundo as previsións despois dun ano complicado. A primavera chuviosa fixo que os fungos atacasen na vide e no froito máis do habitual. Segundo declarou o pdte. do Consello Regulador, José Manuel Rodríguez cumpríronse as espectativas dun ano difícil, xusto na campaña consecutiva á de maior produción rexistrada (2019). En resumidas contas a campaña sáldase cun pouco menos dun 15% menos de colleita dun ano normal, segundo declaran dende o organismo que ampara a preto de 100 adegas O estado da uva tería sido óptimo e tamén o nivel de acidez.