Redacción | 15 de marzo de 2019

A historiadora natural de Carballedo Tamara González López fora a gañadora da décima edición do Certame de Investigación Condado de Pallares que promove a Asociación de amigos do Mosteiro de Ferreira de Pallares. Foino polo seu traballo  sobre o Apadriñamento e o bautismo no suroeste de Lugo: Carballedo e Chantada (S. XVI a XIX). A investigadora presenta agora, grazas a este certame apoiado por varias institucións, un libro co contido desta investigación a partir dos libros de bautismo da época moderna de sete parroquias. É unha análise da vida familiar e social galega daquel tempo, tomando como fío condutor a institución do apadriñamento nesta zona do suroeste de Lugo.