O PP tamén é a forza máis votada na Pobra de Trives, pero non acadan a maioría absoluta, e está por ver a formación de goberno.

O PSdG é a segunda forza con máis representación no total dos concellos lucenses e ourensáns da Ribeira Sacra e todo apunta que gobernarán en solitario como primeira forza nun total de catro municipios onde, ademais, reeditan goberno: Monforte de Lemos, Parada de Sil, Ribas de Sil e Castro Caldelas.

En dous municipios máis, Manzaneda e Trives, os e as socialistas poderían conformar goberno coas mareas locais; no primeiro caso son tamén a forza máis votada con 3 concelleiros/as e poderían pactar con Son de Manzaneda, que perde a maioría que ostentaba no goberno. No segundo- Trives- reaparecen despois de varios mandatos, con catro concelleiros/as aos que poderían sumarse dous de Son de Trives.

Onde tamén hai continuidade, pero noutras cores, é no concello da Pobra do Brollón, onde o BNG aumenta a confianza e a maioría. Cores distintas en san Xoán de Río tamén, onde irrompe a formación RÍO con catro concelleiros/as que lle son maioría absoluta e supoñen a caída do PSdeG do goberno.