As persoas reunidas fixaron estas asembleas cunha periodicidade mínima dunha vez ano ano rotando o lugar do encontro entre os distintos concellos.

O grupo pretende ir traballando nunha programación para “ garantir dereitos e calidade de vida para a veciñanza das comarcas do interior de Galicia. Algúns dos eixos claros son a defensa de modelos agrogandeiros sustentables tanto ambiental como socialmente. Outra das grandes preocupacións da plataforma é a mellora dos servizos sociais e sanitarios públicos e a súa accesibilidade neste territorio.

Outras ideas esenciias que poñen sobre a mesa é o impulso da economía social. A amplicación  dunha oferta formativa relacionada co sector primario, a mellora do transporte público no interior e cara afora e a aposta por un modelo enerxético descentralizado, público e alonxado da especulación e dos grandes impactos ambientais.

Unha proposta de fiscalidade rural que favoreza o mantemento e asentamento de poboación nestes municipios pretende ser unha das propostas concretas para a mellora da vida aquí a introducir a través dunha modificación lexislativa.

Segundo indicaron nunha nota de prensa “as persoas e colectivos presentes comprométense a continuar tecendo rede, transcendendo o local para coordinarse entendendo que as problemáticas e solucións pasan mesmo por unha coordinación de proxectos cidadáns a nivel europeo”.

A IV Asemblea sumou persoas e colectivos e conta xa con candidaturas e agrupacións locais de persoas dos Concellos de Antas de Ulla, A Pobra de Brollón, Carballedo, Chantada, Chandrexa de Queixa, Ferreira de Pantón, Folgoso do Courel, Laza, Manzaneda, Monforte de Lemos, Monterroso, Navia de Suarna, O Saviñao, Palas de Rei, Pereiro de Aguiar, Quiroga, Samos, Sober, Taboada, Touro, Trives, Vilalba e Xinzo. Participaron movementos veciñais como comunidades de montes, asociacións feministas e viciñais, movementos sociais e plataformas en defensa do ferrocarril e contra proxectos eólicos invasivos, que tiveron voz nesta xornada do Courel.