Redacción | Canle Ribeira Sacra 

O día 31 de decembro moitos nenos e nenas van ter unha visita nocturna ben especial. Esa noite o Apalpador e a súa familia van facer un longo percorrido a pé: van baixar do Courel onde viven todo o ano á Ribeira Sacra. Anxo Moure, Veciño de Chantada, é un dos maiores divulgadores desta figura e cun equipo doutras catro persoas percorren a xeografía galega. O Apalpador é unha das figuras míticas do Nadal galego que trae ás crianzas castañas asadas e o máis importante: mensaxes de respecto e coidado da natureza e dos animais non humanos, así como de hábitos de alimentación saudables. Nenas e nenos contemplan con admiración e tenrura a este home do monte que lles apalpa un a un os bandullos entre cantiga e cantiga. A noite de fin de ano recordade deitar ás crianzas cedo e contarlles a súa historia.