O artista Javier Riera levou a luz da natureza á pedra románica
Pantón
3 Xaneiro 2019
Cultura
Redacción | 3 de xaneiro de 2019
Pensar sobre a nosa relación actual coa natureza en termos
de supervivencia e retroceder a como era para os nosos antepasados,
totalmente antagónica, foi unha das experiencias que pretendeu trasladar o
artista e creador multidisciplinar Javier Riera coa súa intervención luminosa en Pantón.
As paredes da igrexa románica de San Miguel de Eiré, no Mosteiro,
foron as elixidas para reflectir os movementos dos cervos ceibos captados por
Riera, artista cunha amplísima traxectoria en varias artes e referente nas
intervencións en contornos naturais. As modernas técnicas e a pedra espiritual
da Ribeira Sacra uníronse nunha chuviosa tarde-noite máxica na que un variado e
numeroso público se achegou a coñecer deste xeito unha das xoias patrimoniais
da zona. Tamén a xeometría se proxectou sobre a natureza do contorno
completando esta singular manifestación da mestura cultura-natureza-patrimonio.
Detrás desta proposta estiveron o Concello de Pantón e A Plantación , un espazo de pensamento e creación a través das artes, xunto á D.O. como colaboradora.
Concello
Pantón
Saber máis