Concellos
Data inicial
Data final
Redacción | 24 de abril de 2019
O Sacra Festival é un festival de artes multidisciplinar singular pola súa aposta sustentable e de integración cun territorio único: A Ribeira Sacra do Miño. Chega xa á súa terceira edición na procura da xeración de comunidade e convivencia das artes en espazos diversos coa incorporación de actividades relacionadas coa vitivinicultura. Divídirase entre os concellos de Chantada e O Saviñao dende o 31 de maio ata o 2 de xuño.
Disciplinas artísticas como a música, a danza, a fotografía,
o cinema ou as artes escénicas compoñen un programa que propón 15 actividades
en distintos escenarios como son algunas adegas da zona, espazos naturais e
arquitecturas civís en abandono. Será un total de 13 artistas dirixidos e
dirixidas pola bailarina Carlota Pérez, unha das impulsoras desta cita que
acada neste formato a súa terceira edición e que ten como prioridade ser un
encontro non masificado que respecta a realidade do contorno no que se celebra.
O cartel reza nomes coma o de Mercedes
Peón, Baiuca, Jordi Cortés ou María Juncal entre moitos outros. Máis
información, adquisición de entradas e abonos a través de
www.sacrafestival.org.
Concello
Ribeira Sacra