Presentación da candidatura da Ribeira Sacra ao Comité da Unesco no Museo do Prado
Isto simbolizaría, para o goberno da Xunta, “ o primeiro
paso na nova etapa da candidatura”, segundo explicou o conselleiro de Cultura,
Román Rodríguez, nun acto no que estes representantes “puideron coñecer o
traballo técnico realizado así como o labor de posta en valor a conservación
desta paisaxe cultural”.
Neste marco no que tamén participou o embaixador de España
ante a Unesco, Juan Andrés Perelló, o titular de Cultura salientou que tras a
decisión de facer un “aprazamento estratéxico da candidatura atendendo ás
avaliacións e informes de Icomos, Xunta e Estado mellorarán todo o que sexa
preciso para dar o último paso con toda a forza e conseguir o si definitivo”.
“manteremos vixente o compromiso”, sinalou o representante
do Goberno Galego que dixo que o obxectivo compartido co Goberno do Estado é intensificar
o traballo da candidatura e seguir avanzando para facer da Ribeira Sacra “un
territorio máis vivo, mellor coidado e máis recoñecido en todo o mundo”. “A
decisión de pospoñer os trámites finais é unha oportunidade para fortalecer o
noso traballo e mellorar algúns aspectos para que poidamos acreditar, coas
máximas garantías, os valores excepcionais da Ribeira Sacra”. Para iso, tal e como
apuntou, apostarase por facer “as
cousas ben, como ata agora, para chegar seguros e con paso firme e decidido á
valoración final”.
No evento tamén participaron a directora xeral de Bellas
Artes do Ministerio de Cultura, María
Dolores Jiménez-Blanco e o director
de Relacións Culturais
e Científicas da Axencia
Española de Cooperación
Internacional para o Desenvolvemento, Guzmán Palacios Fernández
en representación do Ministerio de Asuntos Exteriores.